मैथिली कबिता: क्रान्ति

जीब के मनोकाङ्क्षा छौ त शहिद बनवाक बात नहि करय

ई अपन मधेश छियै गाँधी के अहिंसा के शोधपत्र नहि छियै

याद रहय प्रत्येक डेग पर शासकबर्ग के बन्दुक छैक

प्रत्येक बाट मे बिघ्न-बाधा सभ छैक

परन्तु विचलित नहि हायब;

ई अपन मधेश छियै गाँधी के अहिंसा के शोधपत्र नहि छियै

कहैय किछु, करैय किछु, बोली के व्यापारी सब अछि

खुजल आँख, बंद दिमाग, ई एकर पहिचान छैक ,

तखैन हमरा आँहा के कि के परेशानी अछि

ई अपन मधेश छियै गाँधी के अहिंसा के शोधपत्र नहि छियै

स्मरण रहय यदि आँहा सत्य छि, तखैन नित्य छि

परिणाम के परवाह कायर करैत अछि

कहल गेल छैक-बिनाशाय चतुस्कृता

यदि आत्मा साफ अछि, तखैन चार-धाम घुमब तर्कपुण नहि छैक

यदि आँहा ठिक त आहाँ कऽ दिशा ठिक

दर्द स भरल आह! न करय

जीब के मनोकाङ्क्षा छौ त शहिद बनवाक बात नहि करय

ई अपन मधेश छियै गाँधी के अहिंसा के शोधपत्र नहि छियै

याद रहय प्रत्येक डेग पर शासकबर्ग के बन्दुक छैक

प्रत्येक बाट मे बिघ्न-बाधा सभ छैक

परन्तु विचलित नहि हायब;

ई अपन मधेश छियै गाँधी के अहिंसा के शोधपत्र नहि छियै

याद रहय जई सीता के माता कहि कऽ बजाबैत छि

ई शासकबर्ग ओई सम्मान पर कलंक लगौलैन अछि

ई स्थान त स्वतन्त्रता खोजैत अछि,

माता जानकी अपन सम्मान वापस माँगैत छैथ

माता के ईज्जत-लाज बचेवाक प्रत्येक मधेशी के कर्तव्य छियै

तखैन मन के किया कऽ बिचलित करैत छि

ई अपन मधेश छियै गाँधी के अहिंसा के शोधपत्र नहि छियै

कहल गेल छैक-“मंजिल उसी को मिली यहाँ,

जो उसूलों की खातिर,जान की बाजी लगाया”

देह त्याग कर स भयवित नहि होउ,

आँहा एक सच्चा मधेश पुत्र छि जे अपन मार्ग स्वयं निर्माण करैत अछि,

जखैन अपन “मंजिल” नजदिक अछि तखैन शीश नहि झुकाउ ;

ई अपन मधेश छियै गाँधी के अहिंसा के शोधपत्र नहि छियै